స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(karthika Deepam2). ఈ సీరియల్ గురువారం నాటి ఎపిసోడ్ -136 లో.....పారిజాతం దాస్ ని కలుస్తుంది. నేను చేసిన పనివల్ల మీ జీవితం ఇలా అయిందని పారిజాతం అనగానే.. అంత పెద్ద తప్పు ఏం చేసావని దాస్ అడుగుతాడు. చేశాను కానీ నీలా.. నీ కొడుకు, నా మనవడు అవ్వకూడదు.. వాడికి ఆ కుటుంబాన్ని దగ్గర చెయ్యాలని పారిజాతం అంటుంది. రేపు రాఖి పండుగ కదా కాశీని ఇంటికి తీసుకొని రా వాడితో జ్యోత్స్న చేత రాఖి కట్టిస్తానని పారిజాతం అంటుంది. అయిన వాళ్ళు రానిస్తారా.. నన్ను తిట్టారు.. కానీ వాడిని తిడితే భరించలేనని దాస్ అనగానే.. నువ్వు తీసుకొని రా నేను చూసుకుంటానని పారిజాతం అంటుంది. 

ఆ తర్వాత నేను నేనొక విషయం చెప్పాలని దాస్ అంటాడు. ఏంటని పారిజాతం అడుగగా.. రేపు చెప్తానని దాస్ అంటాడు. ఏంటని పారిజాతం అడుగుతుంటే.. ఒక పుట్టుక.. ఒక చావు.. ఒక బతుకు అనుకుంటూ దాస్ వెళ్ళిపోతాడు. మరొకవైపు అనసూయ వంట చేస్తుంది. ఏంటి ఈ డబ్బా అని దీపని అనసూయ అడుగుతుంది. అది వేరే అందులో డబ్బులు వేస్తున్నాను.. కార్తీక్ బాబుకి ఇవ్వాలిసిన డబ్బులు.. అందులో జమ చేస్తున్నానని దీప అనగానే.. నీ పెంపకానికి నా పెంపకానికి ఎంత తేడా ఉందిరా తమ్ముడు అంటూ వాళ్ళ తమ్ముడిని గుర్తుచేసుకుంటుంది అనసూయ. ఆ తర్వాత శౌర్య గెంతుతుంటే.. నువ్వు అలా చెయ్యకూడదని అనసూయ అంటుంది. శౌర్య ఎందుకు అలా ఆడకూడదని దీప అడుగగా.. అనసూయ ఏదో ఒకటి కవర్ చేస్తుంది. మరొకవైపు పారిజాతం శివన్నారాయ దగ్గరికి వచ్చి.. తనని మాటలతో కూల్ చేసి.. రేపు దాస్ కొడుకు కాశీ ఇక్కడికి వస్తాడు. జ్యోత్స్న  కాశీకి రాఖీ కడుతుంది. కాశీని కాపాడలేదన్న కోపంలో కార్తీక్ ఉన్నాడు కదా.. ఇలా చేస్తే జ్యోత్స్న పై కోపం పోతుందని పారిజాతం అంటుంది. అయిన శివన్నారాయణ‌ ఒప్పుకోకపోగ..  అతడిని బలవంతంగా ఒప్పిస్తుంది.

మరొకవైపు దీప, అనసూయలు శౌర్యని సుమిత్ర దగ్గరికి వెళ్ళమని చెప్పి.. ఊరు బయలుదేర్తుంటే అప్పుడే కాశీ, దాస్ లు వస్తారు. మీరు ఇక్కడికి వచ్చారని అడుగగా.. మా అమ్మ పారిజాతం రమ్మందని దాస్ చెప్తాడు. అది విని దీప షాక్ అవుతుంది. ఆ తర్వాత మీరు నన్ను కాపాడారు అక్క.. మీరు నాకు రాఖి కట్టండి అని దీపతో కాశీ రాఖీ కట్టించుకుంటాడు. ఇంకొక రాఖీ కోసం కాశీ, దేవ మళ్ళీ బయటకు వెళ్తారు. కార్తీక్ బాబు పెద్ద సమస్యలో పడ్డారని దీప ఆలోచిస్తుంటే.. ఏం ఆలోచిస్తున్నావని అనసూయ అనగానే.. వెళ్దామని దీప అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.